الكشري وصل ..................

الكشري وصل ..................

المقادير :

مكرونة مقصوصة وشوية مكرونة اسباجتي
رز وشعيرية
عدس بجبة اللي هو العدس البني
صلصة
بصل وثوم
وزيت
وخل ابيض
ملح وفلفل وكمون وكزبرة ناشفة ومطحونة

الطريقة :

1- سخني ميه مع شوية ملح وزيت
2- بعد ما الميه تغلي حطي المكرونة وقلبيها
3- كده المكرونة استوت
4- صفيها واشطفيها بميه باردة
5 - حطي المكرونة في الحلة ومعاها شوية
زيت زيتون وملح
6- في نفس المكان اللي هنسوي فيه الرز
7- نحمر البصل اللي هنحطه على وش الكشري
8- نطلعه من الحلة ونحطه على ورق المطبخ
علشان ينشف من الزيت ويقرمش
في نفس الزيت المتبقي من البصل نحط الشعيرية
ونقلبها لحد ما لونها يكون ذهبي
وبعد كده حطي العدس المسلوق
2- حطي الرز بعد ما تكوني غسلتيه وصفتيه من الميه
3- قلبي شوية العدس والرز والشعيرية
4- حطي الملح وحطي الميه
5- خلاص كده الرز استوى
ابشري البصل والثوم بشر ناعم وقلبيهم على النار
مع الزيت
2- ضيفي الصلصة وقلبي وبعد كده حطي خل وميه
3- لما تقرب تتسبك حطي ملح وفلفل وكزبرة
وقلبيهم وسيبيه على نار هادية لحد ما تتسبك على الاخر
قطعي الطماطم وافرمي ثوم وملح وفلفل وكمون وكزبرة
وزيت زيتون وليمون وشطة حمرا وقلبيهم
طريقة الغرف :
1- حطي في طبق عميق الرز
2- وبعد كده المكرونة
3- وبعد كده الصلصة
وفي الاخر البصل المحمر والطماطم

والف هنـــــــــــــــــا