اخر اخبار سبسطيه بس مع سويتي

اول شي سبسطيه من تتاريخ 20/8 رح تكون محط انظار العالم والتلفزيون والمتمعات ككل لانه رح يقام مهرجان ضخم وكبير على مستوا عظيم
من باب الجامع ولحد البيادر واجيب صور وانزله لتشوفوها
ويقال انه سيتم اتيان مغني مشهور ما بين ديانا كرزون وعمر عبد الله وغيرهم بس ما انقال اساميهم
وتلفزيون فلسطين والاعلام رح يروجلها قبل بمده
ورح يكون حدث يحكي عنه الكل يا رب
تاني شي : كل الناس مشغولين بالتوجيهي والمباركات ومبارح طلاب التوجيهي كانوا على البيادر ومعهم دربكه وبيغنوا ويرقصوا نيالهم
تالت شي : رح يكون بسبسطيه بيت للضيافه متل الاوتيل بجنب مركز سبسطيه الثقافي
رابع شي : اليوم سهرة الشيخ وليد مع فرقه للزجل الشعبي والف مبروك والله يتمملك اياها على خير
خامس شي : انه القعده على البيادر صارت كتير روعه بس في كتير شباب وصعب الصبايا يطلعوا
سادس شي :والله خلصوا بس اجيب كمان بحكيلكم
ترقبوا اخر الاخبار مع احلا سويتي رافقتكم السلامه

والله يا سويتي عمرك اطول من عمري
كنت بدي احكي عن المهرجان
وانت سبقتيني

هاد المهرجان صار الو تقريبا عشر سنوات متوقف
كنا صغار لما عملوه
بس كان بجنن ورهييييييييب
وكل اهل البلد شاركو فيه

ما شاء الله عنك حسيت حالي بحضر الجزيرة
وانشاء الله يتم المهرجان على خير

مشكورة على الاخبار يا أختنا المراسلة

وبالنسبة للمهرجان أنا بتذكر إحضرته سنة 1999 واكتر إشي بتذكره لما شعلو شعلة المهرجان عنجد كانت كتير ررعة أنا هلا إتذكرت كتير شغلات لما قرأت هاد الموضوع وعنجد أمانة لما يبدا المهرجان صورو وحطولنا الصور على المنتدى لاتبخلو علينا الحكي إلك يا مراسلة سبسطية

انشالله العمر الطويل الك يا سندباد مو مشكله كلنا للمنتدى واحد ولسه هاد رح يكون احلا بكتير
IRON ليش الجزيره احسن مني مش عاجبك شايف الحق علي
W AL7AJ حبيبتي تكرم عيونك والك مني انا كل الصور واي معلومات رح يكون المنتدى اول ما بيعرف فيها واطلبي اي شي وانا تحت امرك

تسلمي والله إنك أصيلة

يسلموااااااااااااااا جد حنستنى االمهرجان بفارغ الصبر

شكرا على المعلومات .... بنستنى التغطية بفارغ الصبر ... ان شاء الله ينجح وبالتوفيق للكل

مشكوره
يا اخت

بتنفعي تكوني مراسله في شركه عالميه

مشرف. عدد الرسائل : 1582 تاريخ التسجيل : 06/04/2008

مشكوووووووورة اختي سويتي
وانا بتمنى اني احضر المهرجان
وخايفة يروح علي لانه بعد 7 _8 مسافرة

وكنت بستناه بفارغ الصبر
حضرت المهرجان الي عملو زمان
وكان كتيير
حلوووووووووووووووو

ويسلمووووووووووو

انشالله بتحضري
احكي انشالله

مشرف. عدد الرسائل : 1582 تاريخ التسجيل : 06/04/2008

ان شاء الله
الله كريم

انشالله

ان شالله بيجو وبتحضرو
بس ما اظن يا heaراح تحضري لاني زي مااسمعت بدك تيجي زياره ع الاردن

ان شاء الله احكولنا متى ببلش المهرجان من شان اعمل حسابي واجي على سبصطية

ان شاء الله بينجح هالمهرجان

انشالله بتحضروه واذا لا سمح الله ما حد حضره انا متكفل اني اصوره فيديوا واحضركم اياه كمان رح اجبلكم صوره بالتفصيل
شكرا tear اذا بتعرف شركه مو غلط والله بتعمل معروف
وهاي شهاده بعتبرها

ما تخافي رح احضرو
مستحيل ما احضرو

خلص بشفلك شركه
منيح الجزيره
ولا مو قد المقام
ههههههههههههه

خلص ياسويتي أنا إعتمدت عيلكي بصور المهرجان

ان شاء الله بنعتمد عليكي بالصور

وانا رح اعمل جهدي واجي احضره ان شاء الله

مشرف. عدد الرسائل : 1582 تاريخ التسجيل : 06/04/2008

سويتي وين اخر الاخبار

مبارح كنتو مشغولين بالتحضير للمهرجان

وافينا بتفاصيل زيادة

البركة فيك

حلووو مهرجااااان!!!!!!!!
وانا اول الحاضرين

سويتي حكتلي انو في فعاليات حلوة ما بدي احكي رح اترك الاخبار لسويتي هي بتخبركم ..
نيالهم اللي رح يحضروه .. ان شاء الله يكون مهرجان ناجح

اه والله نيالهم

وانا كماااان رح احضره

موضوع: مساء الخير الجمعة أكتوبر 17, 2008 1:58 pm

والله أنا خضرتو بس نسيت أصوره ياريت تبعتلي صوره على الإيميل للذكرى وشكرا
الإيميل: qasqas1990@hotmail.com