فكرة ....ان شاء الله تعجبكم

انا رايي من راي امورة

وبتمنى انو الكل ياخد بحديث الرسول صلى الله عليه وسلم
وكمان في متل سمعتو من ستي

ابعدلك اسعدلك

هسا معظم المشاكل الزوجية بتكون بين الكنة والحماه وما حد بنكر هاد وخصوصا اذا كانو قرايب

بالعادة

انو المجتمع القروي وخصوصا بين النسوان بتكون عينهم كوية عالقريب
اما اذا جابولهم كنة غريبة بحترموها اكتر

وكمان هاد مو عند الكل
بس هاي الفكرة موجودة

والله كلامك صح 100% الغريبة بحطوها على العين والراس أما إذا كانت قريبة بلعنو اليوم أللي ناسبوها وما بخلو عليها لا كبيرة ولا صغيرة

عدا على هيك أمور لا تنسو الامراض الوراثية الناتجة من زواج الاقارب اللي بروح ضحيتها دايما الاطفال وهاي الامراض لو بدي احكي عنها عمري بحياتي ما بخلص

زواج الاقارب انا مابشجعه في حالة كان في صفات متنحية مش مستحبة او مرضية بالعيلة خوفا من انه يظهر مرض معين بالابناء مستقبلا
اما اذا ما كان في مشاكل وراثية ولا اي مرض معين بالعيلة مابلاقي مشكلة بالموضوع لانه رح يعتبر زي اي زواج عادي
وانا بشجع زواج الاقارب في بعض الحالات مشان الحفاظ على صفات مستحبة بالعيلة متل الذكاء والجمال
شكرا على طرح الفكرة اخت سويتي

شكرا على طرح الفكرة اخت سويتي
انا عن نفسي ارفض بشدة زواج الاقارب ... لان رسولنا الكريم صلى الله عليه و سلم قال: "غربوا النكاح" و ما قال هيك الا لحكمة و انا شايفة حكمة الله في ذلك لما ينتج عن زواج الاقارب اختلال في الجينات و مشاكل بين افراد العائلة

انا ما بشجع زواج الاقارب بالمرة
لو ما كان في ضرر كان الرسول ما نهى عنو
وهينا شايين اضرارة زي مرض الثلاسيميا

انا بعتقد انو الواحد يبعد عن الزواج من العائله كامله احسن الو مو بسي من الاقارب ومن الجهتين من الاب والام

اكيد الواحد بحاول يبعد عن زواج الاقارب
وشخصيا نافيه من حياتي
وفي النهايه الواحد مابوخد غير نصيبو
اضربو وصيبو غير نصيبو مابصيبو


شو رايكم نطرح موضوع
العمل والشغل في مجال غير مجال دراست الشخص