شعر سلطي من الأردن

دنيني ياحلوه يللي لابسه الشرش
كلمه منك مابتحملش
زغزغيني كركريني بنتعش
مثل ديك الحبش بنتفش
لو هلك دفشوني دفش
ولحقوني بالحجاره والدبش
ولوتخبيت بالحرش
وعقطتني الحماره والجحش
عن حبك ما بتزحزحش
حبك بقلبي مش طرمزه
حبك بقلبي هبش بهبش
ومن كثر تفكيري بيك حسيت راسي مندوش
ريفانين وكبسولات وتحاميل مع الحُب مابنفعش
أخبار العالم مابسمعش
راديو وتلفزيون مابفتحش
صحيح إني مابتحممش
القمل اللي براسي ما بنعدش
والصراصير من الدار مابتطلعش
آخ على سيرة الدار
الدار مابدهاش دهان وطرش
وأنا عالزياتي مابقدرش
فكرك إنه العيشه مندونك مابتنفعش
والله لو حطوني على ظهر الحيط
وربطوني بمليون خيط وخيط
وقلتيلي هي ياعقله هي
فكرك مابتكرفتش
والله لأتكرفت وعالوطاه لأردش ردش