تفضل شو رايك باللباس اليوم

اخواني الاعضاء انا حابه اليوم اسالكم اليوم عن اللباس
يعني الشب يحكي عن لباس الصبايا هاي الايام وشو رايه فيه وعن لبس الشباب كمان ورايه فيه
والصبايا رايهن عن لبس الشباب ولبس الصبايا
يعني عاجبكم والا لاء
انا بالنسبه الي بحب اللبس بس اللبس صاير هاي الايام مغري كتير مع موضت هالجينزات الضيقه والبلايز الي اضيق من ضيقه
واحنا كتير كتير منتشره الموضه فيهن ليش
تركوهن الغرب واستلمناهن احنا

الشباب كمان البجينزات الخصر الساحل يا الله كتير خصر ساحل عيب ليش هيك وخصوصا بالجامعه بيكونوا قاعدين وضهورهو مبينه
شو رايكم انتوا يا اعضاء شاركونا بصراحه
كل واحد ورايه بالاخر

انا رايي
ما بحب هيك موضه
خصوووووصا الخصر الساحل
وما بحب البس زي هيك
وما بحب احكي عن غيري شو لبس
او شي
هو حر في حالو
وتحياتي

شكرا ع الموضوع

أنا إشي أكيد ما بحب هيك لبس سواء إزا كان للشب أوالبنت بس لو جيتي سألتي السؤال لشب أوبنت بلبسو زي هيك بحكولك إحنا مع الموضة والتجديد يعني ما بحبو يلبسو موضة ئديمة

على ئولتهم موضة ئديمة زي ستي أيام زمان

ههههههههههههههه

للوز يا سندباد
حلوه هاي

يعني الخصر الساحل للبنات ومش للشباب .. للبنت مغري و للشب مقرف .. احكي لو تشوفوا عنا الشباب شو بتلبس .. يعني انا لما جيت هون انصدمت .. فكرتهم مرتبين و حلوين .. موضاتهم بتقرف .. و الواحد بيكون ماسك بنطلونوا عشان ما يسحل .. و مرات بيسحل في الشارع .. عادي جدا ... يعني شبابنا احلى و ارتب و انظف و اشيك بالف مرة من شباب هون

صحيح كلامكم
وانا الحمد لله انو ما بمشي عالموضه
ووكمان ما بلوم بعض الناس لانه هاد الموجود بالاسواق

لباس اليوم في من جميع الانواع وكل واحد بلاقي طلبه اهم شي يكون مرتاح باللبس الي لابسه ويكون بعكس شخصيتو

بس الافضل يعرف الواحد كيف يختار لبس بناسبه وبناسب الي حوليه لحتى ما يحط حاله بمحل الانتقاد

مشكوورة

انا رايي مش لازم هاللباس ينباع من اصله
يعني والله ماهو منطق بلاطين البرمودة والبودي للبنات والخصر الساحل للشباب
هاي ثقافات الغرب بدو نتبعها عشان نتخلى عن ثقافتنا ودينا
وبعدين بالاخر كل واحد حر
وبابا سمحلي

مشكورة

هو بكون ضهورهم مبينة والواحد زي التنبل مش عارف

عباد الله افهمنا رايكم بلبس البنات وين رايكم بلبسكم

لبس اليوم كل واحد بختارو حسب ذوقه وحسب اخلاقه وطبيعة فكره
\
\
\
\
وانامطمن من الايام الجاي ومش شايف الي انتو شايفينوو

اللباس شرعي جدا جدا وخاصة لبس البنات
وعلى هيك لبس انا متاكد من هون لسنتين رح نقيم خلافة اسلامية ونحتل الغرب ثقافيا على الاقل

طبعا لباس الشباب جيد نوعا ما اما الي بلبسوا الخصر الساحل ما اظن انهم ........................
...........

انا من راية من يحترم يحترم ومن لايحترم لا يحترم

طبعا لباس اليوم مخزي والعياذ بالله

انا براي انو مصممين الازياء ما عندهم لا شغله ولا عمله الا لبس البنات
بالنسبه للبس البنات اليوم .طبعا حدث ولا حرج. اشي من الاخر بالصلاة ع النبي كل يوم موضه شكل. يعني بتشوف البنت اول يوم تاني يوم ما بتعرفها. بتصير تشك بحالك طبعا مش كل البنات
يا عمي اللبس بلبالهم يا هيك اللبس يا بلاش

اما لبس الشباب: هذا الموجود في السوق شو يعمل الشب يعني

انا بوافقBMV318i
على رايوا لانوا ازا بدي اعلق ع اللبس بكرة بنبطل نبيع بنسكر بدري

الكل بدوا يفيع هاي الايام
وبعدين الوحدة بس تطلع من الدار يعني امها ما بتشوفها
وبنات هالايام بطولوا الموضة من الجامعات ويمكن من النت كمان
والشب بتقلد بصحابوا ولي بحكي غير هيك كزاب
وبشترو البلاطين اكبر بنمرة عشان يسحلوا
وفوق كل شي بشتري بلوز ع القد واذا في اقصر بحكي احسن وحسن
تقبلوا مروري
تحياتي طائر الليل

آآآآآآآآه آآآآآآآآه
آآآآآآآآه آآآآآآآآه
آآآآآآآآه آآآآآآآآه
آآآآآآآآه آآآآآآآآه
آآآآآآآآه آآآآآآآآه
يا دنيا
ويش سويتي فينا
صراحة
أنا مش عاجبني
شي بهالدنيا
بالمرة
:(

انا بحكي انو القالب غالب
يعني ازا البنت حلوة بتم حلوة لو شو مالبست
والبشعة بتم بشعة لو شو ما لبست
مش كل شي لبس

بس كمان في مثل
انو لبس المكنسة بتصير عروس
ههههههههههه
يعني في بنات مزورين في هالايام
لواحدة بتكون ملاك
وبتلمع
بس لما تتجوز وتغسل وجها
ببطل جوزها يعرفها
ههههههههههههههه

بس لا جد
الحلو حلو
والبشع بشع
ومش كل شي لبس
بس اللبس حلو

والبنات بلبسو فايع عشان همي بحبو هيك
مش عشان الشباب يلحقو
بس همي الشباب ما بصدقو ع بنت
ويلا
ايام وبنعيشها

أما الشباب مش كتير بفهم بلبسهم
بس الموضة حلوة

كل واحد حر بحاله
يعني انا وبصراحة ما بحب البس غير خصر ساحل
والشباب بكون احلى عليهم هيك موضة
اما البنات (مش كلهم طبعا)
1)شو الفايدة من العباي اذا كانت مفتوحة وطايرة بالهوى
2)شو الفايدة من الحجاب اذا كانت الغرة طالعة
3)شو الفايدة من البنطلون اذا كان برمودا وقصير
4 )شو الفايدة من البلوزة اذا كانت شفافة
وبكون ابوها واخوها ماشي معها مثل الخاروف (مع احترامي للخاروف)
هاض رأي والي بدو يعلق عليه يعلق قدامي