شو رح تعمل بهالسؤال

مرحبا معي موضوع وبتمنى ردودكم بس تكون صريحه ومعبره عن قناعاتكم انتوا مو علشان المنتدى

بالاول السؤال للشباب : لو انت يا شب عاجبتك بنت كتير كيف بتعبرلها عن حبك الصادق الها اذا كانت غريبه
واذا كانت قريبة او صديقة او معرف يعني مو غريبه و كنت خايف انك تخسرها بسبب طبيعة الوضع شو رح تعمل
هدول سؤالين بتمنى انكم تجاوبوا بصراحه؟
وبالنسبه للصبايا نفس الاسئله بتمنى تجاوبوا بكل صراحه

شكرا الك على هيك سؤال
وبما انك بدك الصراحة , بالنسبة الي حاليا لو في بنت معجب فيها او حتى بحبها
ما رح اقدر اصارحها باشي حاليا لاني انا شخص غير جاهز لتكوين اي علاقة حب

هههههههههههههههههههههههههه
اه هلا فهمت عليكي بس انا مش سرحان انا مسطل لاني هلأ صاحي من النوم
وطريقتي بالتعبير يا سويتي بتكون كالاتي:-
بتبدا بنظرات لاني انا شخصيا بحب كتير لغة العيون
وبعدين بتلميحات بالحكي او بالاغاني او باي شي بيجي بطريقي
وبعدها بتكون الصراحة هي الطريق الاقصر والافضل
بس انا بامكاني اني اكون صريح من الاول بس بستعمل النظر والتعبيرات لاني بحبها وبتزيد من شوق الشخص للصراحة
ومرة تانية شكرا كتير الك

مشكورة

عادي لا أول بنت ولا الأخيرة

بصراحه انا بعمل كالاتي:
اول اشي انا بخاف تفشلني البنت من اول مره
وانا ما بطيق هذا الحكي
فبروح بوديلها بنت تانيه بتكون بتعرفني وبتعرفها

ثاني اشي اذا قبلت بتكون السناره صادت
وبنكون نحطينا تحت الامر الواقع ولازم ابلش انا بالحكي ما في مجال للهرب
ثالث اشي طبعا لازم يكون هناك تلميحات قبل الحكي
عشان الواحد يوخد ع الوضع
طبعا التلميحات بتكون اكتر اشي بالعيون
لانو بعدنا مش ماخدين الرقم ع شان نسمعها اغاني
طبعا بعدين العلاقه بتطور
وانتو اعلم شو بصير اثناء هذا التطور

طبعا وبعد كل هاد الحكي وبعد مرور سنتين او اكتر ع الحب
لازم احد الطرفين يفركش العلاقه اما البنت بتجوز او انا بشوف وحده تانيه
لانو الاشي البزيد عن حدو بنقص

تحياتيBMV318i

ههههههههههههه
شرح تفصيلي من محمد

اما انا فمابحكي ولا كلمة حتى لو سمحت الظروف
لانه كلو برجع للنصيب